កំណាព្យ បទប្រាសាទសិលាខ្មែរ

ប្រាសាទនគរវត្តបញ្ចង់     ល្អទ្រង់សក្តិសមដូចសូគ៌ា កំពូលប្រាំដូចបទុមា        បូជាផ្វាយអង្គព្រះវិស្ណុ។ បាកានកំពូលខ្ពស់ស្កឹមស្កៃ  វិស័យសុមេរុឥតមានគូ ជាវិស្វកម្មពួកវិទូ                ជាអ្នកតស៊ូស្ថាបនា។ ប្រាសាទតាព្រហ្មភ្នំបាខែង    ជាទីស្ញប់ស្ញែងជននានា បក្សីចាំក្រុងសាងក្នុងគ្រា     សម័យខេមរាមានរិទ្ធី។ បាយ័នក្រុងធំភ្នំទ្រង់យស    សង់លើលានខ្ពស់ក្នុងធានី ហៅថាយសោធរគិរី              ជាទីក្សេមក្សាន្តសម្រាន្តចិត្ត។ បាពួនប្រាសាទស្រស់សោភី    ជាអនុស្សាវរីយ៍ខ្មែរពិតៗ ភិមានអាកាសជាឋានឋិត    ទុកជាក្រឹត្យស្បថសច្ចា។ ប្រាសាទាំងឡាយនៃខេមរា    សោភ័ណអស្ខារ្យជាសំអាង ជំនាន់បុរាណជាតំណាង        ផ្នែកខាងសិល្បៈអ្នកសាសនា។ គឺជាពូជពង្សស្ថាបនិក           ទុកជាចារឹកក្នុងសាវតា ជាគោលសំខាន់ក្នុងខេមរា    ឥតមានជាតិណាប្រលោមបាន។